Couplet

دن کےہاتھوں میں فقط ایک سلگتاسورج 

رات کی مانگ ستاروں سےمزین دیکھوں

 کہیں مرجھائےہوئےپھول ہیں سچائی کے

 اورکہیں جھوٹ کےکانٹوں پہ بھی جوبن دیکھوں

شمس کی کھال کہیں کھچتی نظر آتی ہے

 کہیں سرمد کی اترتی ہوئی گردن دیکھوں

شرمندگی ہے ہم کو بہت ہم مِلے تمہیں

Urdu Poetry

شرمندگی ہے ہم کو بہت ہم مِلے تمہیں

تم سر بسر خوشی تھے مگر غم مِلے تمہیں

تم کو جہان شوق و تمنا میں کیا ملا

ہم بھی ملے تو درہم و برہم مِلے تمہیں

میں اُن میں آج تک کبھی پایا نہیں گیا

جاناں! جو میرے شوق کے عالم مِلے تمہیں

تم نے ہمارے دل میں بہت دن سفر کیا

شرمندہ ہیں کہ اُس میں بہت خم مِلے تمہیں

یوں ہو کہ اور ہی کوئی حوّا مِلے مجھے

یوں ہو کہ اور ہی کوئی آدم مِلے تمہیں

Verse

Urdu Poetry

ہم پر الزام توویسے بھی ہے ایسے بھی سہی

 نام بدنام تو ویسے بھی ہے ایسے ہی سہی 

Follow @HadeedSher

Couplet

Urdu Poetry 

اس تعمیر کے کچھ بوسیدہ سنگ جو تجھ پہ گر جائیں

اس خواب کے کچھ نوکیلے خار جو تجھ کو چبھ جائیں

پھر میں پوچھوں گا بتا خواب یہ تابناک کتنا ہے

تعمیر کا اور معماروں کا تجھ کو ادراک کتنا ہے

Follow @hadeedsher

کب میرا نشیمن اہل چمن گلشن میں گوارا کرتے ہیں

کب میرا نشیمن اہل چمن گلشن میں گوارا کرتے ہیں 

کب میرا نشیمن اہل چمن گلشن میں گوارا کرتے ہیں 

غنچے اپنی آوازوں میں بجلی کو پکارا کرتے ہیں 

پونچھو نہ عرق رخساروں سے رنگینی حسن کو بڑھنے دو 

سنتے ہیں کہ شبنم کے قطرے پھولوں کو نکھارا کرتے ہیں

جاتی ہوئی میت دیکھ کے بهی ،الله تم اٹھ کر آ نا سکے 

دو چار قدم تو دشمن بھی تکلیف گوارا کرتے ہیں 

اب نزاع کا عالم ہے مجھ پر تم اپنی محبت واپس لو 

جب کشتی ڈوبنے لگتی ہے تو بوجھ اتارا کرتے ہیں 

تاروں کی بہاروں میں بھی قمر تم افسردہ سے رہتے ہو

پھولوں کو تو دیکھو کانٹوں میں ہنس ہنس کے گزارا کرتے ہیں

Couplet |

Urdu Poetry

ایک لمحے میں کٹا ہے مدتوں کا فاصلہ

میں ابھی آیا ہوں تصویریں پرانی دیکھ کر

Follow @HadeedSher

Poetry

Urdu Couplets 

سحرکی خوشیاں منانےوالو

 سحر کےتیور بتا رہے ہیں

 ابھی تواتنی گھٹن بڑھےگی

کہ سانس لینا محال ہو گا

 جنہوں نےبستی اجاڑ ڈالی

 کبھی توان کا حساب ہو گا

Poetry

Urdu Couplet

شمع کی مانند ہم اس بزم میں

 چشم نم آئے تهے دامن تر چلے

Follow @hadeedsher

Poetry

Urdu couplets

یہ ورق ورق تیری داستان

 یہ سبق سبق تیرے تذکرے

 میں کروں تو کیسے کروں الگ

 تجهے ذندگی کی کتاب سے

Follow @hadeedsher

One verse

ایک شعر 

فقط باتیں اندهیروں کی محض قصے اجالوں کے 

 چراغ آرزو لے کر نہ تم نکلے نہ ہم نکلے

Follow @HadeedSher

One Verse | ایک شعر

ایک شعر 

کیسا کیسا بول رہے ہیں پودے جیسے لوگ 

پیڑ بڑے خاموش کھڑے ہیں کیسے کیسے لوگ 

بچپن

بچپن 

گرمیوں میں جب گھر والے سو جاتے تھے 

دھوپ کی انگلی تھام کے ہم چل پڑتے تھے 

ہمیں پرندے کتنےپیار سے تکتے تھے 

ہم جب ان کے سامنے پانی رکھتے تھے 

موت اپنی آغوش میں ہمیں چھپاتی تھی 

قبرستان میں جا کر کھیلا کرتے تھے 

راستے میں اک ان پڑھ دریا پڑتا تھا 

جس سے گزر کر پڑھنے جایا کرتے تھے 

جیسے سورج آ کر پیاس بجھانے گا 

صبح سویرے ایسے پانی بھرتے تھے 

اڑنا ہم کو اتنا اچھا لگتا تھا 

چڑیاں پکڑ کر انکو چوما کرتے تھے 

تتلیاں آ کر ہم کر بیٹھا کرتی تھیں 

ہم پھولوں سے اتنا ملتے جلتے تھے 

ملی تھی جنہیں جوانی راستے میں 

ہم تو گھر سے بچپن اوڑھ کے نکلے تھے 

ضعیف گر نظر پڑے رسول کا جمال بن

ضعیف گر نظر پڑے رسول کا جمال بن

ضعیف گر نظر پڑے رسول کا جمال بن 

قوی اگر ہو سامنے تو قہر ظل جلال بن 

خدا کے آگے سر جھکا کہ سر کشوں کا سر جھکے 

قضا ستم گروں کی ہو ستم زدوں کی ڈھال بن 

Urdu couplet

Urdu couplets 

میرے بس میں اگر ہوتا ہٹا کر چاند تاروں کو

میں نیلے آسماں پہ تیری آنکھیں بنا دیتا 

شجر ہوتا تو لکھ لکھ کے تمہارا نام پتوں پر

تمہارے شہر کی جانب ہواؤں میں اڑا دیتا 

                         (نا معلوم )

Urdu Poetry | ہم دھرتی کے پہلے کیڑے

ہم دھرتی کے پہلے کیڑے

ہم دھرتی کے پہلے کیڑے ہم دھرتی کا پہلا ماس

دل کے لہو سے سانس ملا کے سُچا نور بناتے ہیں

اپنا آپ ہی کھاتے ہیں اور ریشم بُنتے جاتے ہیں

خواب نگر کی خاموشی اور تنہائی میں پلتے ہیں

صاف مصفّا اُجلا ریشم تاریکی میں بُنتے ہیں

کس نے سمجھا کیسے بُنے ہیں چاندی کی کرنوں کے تار

کُنجِ جگر سے کھینچ کے لاتے ہیں ہم نُور کے ذرّوں کو

شرماتے ہیں دیکھ کے جن کو نیل گگن کے تارے بھی

ہم کو خبر ہے ان کاموں جاں کا زیاں ہو جاتا ہے

لیکن فطرت کی مجبوری ہم ریشم کے کیڑوں کی

سُچا ریشم بُنتے ہیں اور تار لپیٹتے جاتے ہیں

آخر گُھٹ کے مر جاتے ہیں ریشم کی دیواروں میں

کوئی ریشم بُن کے دیکھے اتنے سارے آزاروں میں