اے وطن، پیارے وطن

اے وطن، پیارے وطن

 پاک وطن، پاک وطن 

اے وطن پیارے وطن

اے میرے پیارے وطن

تجھ سےہےمیری تمناؤں کی دنیا پرنور

عزم میرا قوی، میرےارادےہیں غیور 

میری ہستی میں انا ہے،میری مستی میں شعور

جاں فزا میرا تخیل ہےتوشیریں ہےسخن

تو دل افروز بہاروں کا تر و تازہ چمن

تو مہکتے ہوئے پھولوں کا سہانا گلشن 

رنگ و آہنگ سے معمور ترے کوہ و دمن

تو نواریز انا دل کا بہاری مسکن

میرادل تیری محبت کا ہےجاں بخش دیار

میراسینہ تیری حرمت کاہےسنگین حصار 

میں یہ سمجھوں گا ٹھکانےلگاسرمایہ تن

میرےمحبوب وطن تجھ پہ اگرجاں ہونثار

One verse | John Aelia

‏محرم‬

چلو حسینؓ کی تقلید بھی کرے کوئی

کہ صرف سوگ منانے سے کچھ نہیں ہوگا

اٹھو کہ ہم بھی جھکا دیں کسی یزید کا سر

لہو کے اشک بہانے سے کچھ نہیں ہوگا

Couplet

دن کےہاتھوں میں فقط ایک سلگتاسورج 

رات کی مانگ ستاروں سےمزین دیکھوں

 کہیں مرجھائےہوئےپھول ہیں سچائی کے

 اورکہیں جھوٹ کےکانٹوں پہ بھی جوبن دیکھوں

شمس کی کھال کہیں کھچتی نظر آتی ہے

 کہیں سرمد کی اترتی ہوئی گردن دیکھوں

کبھی بول بھی

Urdu Poetry | کبھی بول بھی

دلِ سوختہ

کبھی بول بھی

جو اسیر کہتے تھے خود کو تیری اداؤں کے وہ کہاں گئے

جو سفیر تھے تیر ی چاہتوں کی فضاؤں کے وہ کہاں گئے

وہ جو مُبتلائے سفر تھے تیرے خیال میں

وہ جو دعویدار تھے عمر بھی کی وفاؤں کے وہ کہاں گئے

کبھی کوئی راز تو کھول بھی

کبھی بول بھی

دلِ نا خدا

کبھی بول بھی

جو تیرے سفینۂ دار و غم کے سوار تھے

جو تیرے وظیفہ ء چشمِ نم پہ نثار تھے

وہ جو ساحلوں پہ اُ تر گئے تو پھر اُس کے بعد پلٹ کے آئے کبھی نہیں

تیری لہر لہر پہ جن کے نقش و نگار تھے

کسی دن ترازوئے وقت پر

اُنہیں تول بھی

کبھی بول بھی

دلِ بے نوا

کبھی بول بھی

وہ جو تیرے نغمۂ زیرو بم کے امین تھے

جو تیرے طفیل بلندیوں کے مکین تھے

و ہ جو معترف تھے تری نگاہِ نیاز کے

تمھیں جن پہ سو سو یقین تھے

وہ چکا گئے تیرا مول بھی

کبھی بول بھی

کبھی بول بھی، دلِ سوختہ، دلِ نا خدا، دلِ بے نوا، کبھی بول بھی!

Urdu Couplets

Urdu Couplets

یہ نہیں کہ میری محبتوں کو کبھی خراج نہیں ملا

مگر اتفاق کی بات ہے, کوئی ہم مزاج نہیں ملا

مجھے ایسا باغ نہیں ملا, جہاں گل ہوں میری پسند کے

جہاں زندہ رہنے کا شوق ہو مجھے وہ سماج نہیں ملا

شرمندگی ہے ہم کو بہت ہم مِلے تمہیں

Urdu Poetry

شرمندگی ہے ہم کو بہت ہم مِلے تمہیں

تم سر بسر خوشی تھے مگر غم مِلے تمہیں

تم کو جہان شوق و تمنا میں کیا ملا

ہم بھی ملے تو درہم و برہم مِلے تمہیں

میں اُن میں آج تک کبھی پایا نہیں گیا

جاناں! جو میرے شوق کے عالم مِلے تمہیں

تم نے ہمارے دل میں بہت دن سفر کیا

شرمندہ ہیں کہ اُس میں بہت خم مِلے تمہیں

یوں ہو کہ اور ہی کوئی حوّا مِلے مجھے

یوں ہو کہ اور ہی کوئی آدم مِلے تمہیں

Terrorist attack on Express News Ahfaz ur Rahman

ماں کے آنسو

خود کش حملہ کرنے والے بچے کے نام

Follow @hadeedsher

One Verse

امیر شہر غریبوں کو لوٹ لیتا ہے 

کبھی بحیلہ مذہب کبھی بنام وطن

Follow @hadeedsher

One verse

دیوار خستگی ہوں مجھے ہاتھ مت لگا 

میں گر پڑوں گا دیکھ سہارا نہ دے مجھے

Follow @hadeedsher

Verse

Urdu Poetry

ہم پر الزام توویسے بھی ہے ایسے بھی سہی

 نام بدنام تو ویسے بھی ہے ایسے ہی سہی 

Follow @HadeedSher

Lyrics

فلم کنارہ 

نام گم جاۓ گا

چہرہ یہ بدل جاۓ گا

میری آواز ہی پہچان ہے

گر یاد رہے

وقت کے ستم کم حسیں نہیں

آج ہیں یہاں کل کہیں نہیں

وقت سے پرے اگر

مل گۓ کہیں

میری آواز ہی پہچان ہے

گر یاد رہے

جو گزر گئی کل کی بات تھی

عمر تو نہیں ایک رات تھی

رات کا سرا اگر پھر ملے کہیں

میری آواز ہی پہچان ہے

گر یاد رہے

دن ڈھلے جہاں رات پاس ہو

زندگی کی لو اونچی کر چلو

یاد آے گر کبھی

جی اداس ہو

میری آواز ہی پہچان ہے

گر یاد رہے

نام گم جاۓ گا

چہرہ یہ بدل جاۓ گا

میری آواز ہی پہچان ہے

گر یاد رہے

                                                                     (گلزار )

Follow @HadeedSher

Couplet

Urdu Poetry 

اس تعمیر کے کچھ بوسیدہ سنگ جو تجھ پہ گر جائیں

اس خواب کے کچھ نوکیلے خار جو تجھ کو چبھ جائیں

پھر میں پوچھوں گا بتا خواب یہ تابناک کتنا ہے

تعمیر کا اور معماروں کا تجھ کو ادراک کتنا ہے

Follow @hadeedsher

غزل

وہ عشق جو ہم سے روٹھ گیا 

وہ عشق جو ہم سے روٹھ گیا 

اب اس کا حال بتائیں کیا ؟

کوئی مہر نہیں کوئی قہر نہیں 

پھر سچا شعر سنائیں کیا 

اک ہجر جو ہم کو لاحق ہے 

تا دیر اسے دہرائیں کیا 

وہ زہر جو دل میں اتار لیا 

پھر اس کے ناز اٹھائیں کیا 

کوئی مہر نہیں کوئی قہر نہیں 

پھر سچا شعر سنائیں کیا 

اک آگ غم تنہائی کی 

جو سارے بدن میں پھیل گئی 

جب حسن ہی سارا جلتا ہو 

پھر دامن دل کو بچائیں کیا 

کوئی مہر نہیں کوئی قہر نہیں 

پھر سچا شعر سنائیں کیا 

ہم نغمہ سرا کچھ غزلوں کے 

ہم صورت گر کچھ خوابوں کے 

یہ جذبہ شوق سنائیں کیا 

کوئی خواب نہ ہو تو بتائیں کیا 

کوئی مہر نہیں کوئی قہر نہیں 

پھر سچا شعر سنائیں کیا 

Follow @hadeedsher

کب میرا نشیمن اہل چمن گلشن میں گوارا کرتے ہیں

کب میرا نشیمن اہل چمن گلشن میں گوارا کرتے ہیں 

کب میرا نشیمن اہل چمن گلشن میں گوارا کرتے ہیں 

غنچے اپنی آوازوں میں بجلی کو پکارا کرتے ہیں 

پونچھو نہ عرق رخساروں سے رنگینی حسن کو بڑھنے دو 

سنتے ہیں کہ شبنم کے قطرے پھولوں کو نکھارا کرتے ہیں

جاتی ہوئی میت دیکھ کے بهی ،الله تم اٹھ کر آ نا سکے 

دو چار قدم تو دشمن بھی تکلیف گوارا کرتے ہیں 

اب نزاع کا عالم ہے مجھ پر تم اپنی محبت واپس لو 

جب کشتی ڈوبنے لگتی ہے تو بوجھ اتارا کرتے ہیں 

تاروں کی بہاروں میں بھی قمر تم افسردہ سے رہتے ہو

پھولوں کو تو دیکھو کانٹوں میں ہنس ہنس کے گزارا کرتے ہیں

Couplet

Urdu Poetry

قلم میں حلم بھی ہے ناز اور وقار بھی ہے

 اذان صبح بھی ہے شام بادہ خوار بھی ہے

 مثال حضرت آدم گناہگار بھی ہے

 حریم عصمت مریم کا پردہ دار بھی ہے

Couplet |

Urdu Poetry

ایک لمحے میں کٹا ہے مدتوں کا فاصلہ

میں ابھی آیا ہوں تصویریں پرانی دیکھ کر

Follow @HadeedSher

Poetry

Urdu Couplets 

سحرکی خوشیاں منانےوالو

 سحر کےتیور بتا رہے ہیں

 ابھی تواتنی گھٹن بڑھےگی

کہ سانس لینا محال ہو گا

 جنہوں نےبستی اجاڑ ڈالی

 کبھی توان کا حساب ہو گا

Urdu Poetry

فیض احمد فیض 

دل میں اب یوں ترے بھولے ہوئے غم آتے ہیں 
جیسے بچھڑے ہوئے کعبے میں صنم آتے ہیں 

کر رہا تھا غم جہاں کا حساب 
آج تم یاد بے حساب آئے 

مقام فیض کوئی راہ میں جچا ہی نہیں 
جو کوئے یار سے نکلے تو سوئے دار چلے 

ہم پرورش لوح و قلم کرتے رہیں گے 
جو دل پہ گزرتی ہے رقم کرتے رہیں گے 

کہاں گئے شب ہجراں کے جاگنے والے 
ستارۂ سحری ہم کلام کب سے ہے 

رنگ پیراہن کا، خوشبو زلف لہرانے کا نام 
موسم گل ہے تمہارے بام پر آنے کا نام 

                                             (فیض احمد فیض )

Follow @HadeedSher