Poetry of Khalid Ahmed

ترک تعلقات پہ رویا نہ تو نہ میں 

ترک تعلقات پہ رویا نہ تو نہ میں 

لیکن یہ کیا کہ چین سے سویا نہ تو نہ میں 

حالات کے طلسم نے پتھرا دیا مگر 

بیتے سموں کی یاد میں کھویا نہ تو نہ میں

ہر چند اختلاف کے پہلو ہزار تھے 

وا کر سکا لب گویا نہ تو نہ میں 

نوحے فصیل ضبط سے اونچے نہ ہو سکے 

کھل کر دیار سنگ میں رویا نہ تو نہ میں 

جب بھی نظر اٹھی تو فلک کی طرف اٹھی 

برگشتہ آسمان سے گویا نہ تو نہ میں 

                                      (خالد احمد )

Follow @HadeedSher