ھوتا ھی تو رھتا ھے وہ تاراج مسلسل
ھوتا ھی تو رھتا ھے وہ تاراج مسلسل
جس ملک پہ پل پڑتی ھوں افواج مسلسل
جو تاج پہن لے وہ یہی کرتا ھے خواھش
قائم رھے تا حشر مرا راج مسلسل
اک وقت تھا ،اس ملک میں تھی تاج کی عزت
فٹ بال بنا پھرتا ھے اب تاج مسلسل
مجھ جیسے ھی ھو جاتے ھیں اس شخص کے حالات
زچ کرتی ھیں جس شخص کو ازواج مسلسل
یہ دنیا درندوں کے تسلط میں ھے یارو
جو چیرتے رھتے ھیں مرا آج مسلسل
اس ملک میں اب مسخرے ایکٹو ھیں مری جاں
جگتیں ھی فقط ٹھہری ھیں اب کاج مسلسل
No comments:
Post a Comment