تاریخ نے پوچھا
Tareekh nay poocha....., a photo by .A.S.H. on Flickr.
تاریخ نے پوچھا پھر لوگو یہ دنیا کس کی دنیا ہے
شاہی نے کہا یہ میری ہے اور دنیا نے یہ مان لیا
پھر تخت بچھے ایوان سجے
گھڑیال بجے دربار لگے
تلوار چلی
اور خون بہے
انسان لڑے انسان مرے
دنیا نے آخر شاہی کو پہچان لیا پہچان لیا
تاریخ نے پوچھا پھر لوگو یہ دنیا کس کی دنیا ہے
دولت نے کہا یہ میری ہے اور دنیا نے یہ مان لیا
پھر بینک کھلے بازار جمے
بازار جمے بیوپار بڑھے
انسان لٹے انسان بکے
آرام اڑے سب چیخ اٹھے
دنیا نے آخر دولت کو پہچان لیا پہچان لیا
تاریخ نے پوچھا پھر لوگو یہ دنیا کس کی دنیا ہے
مومن نے کہا الله کی ہے اور دنیا نے یہ مان لیا
پھر قلب و نظر کی صبح ہوئ
اک نور کی لۓ سی پھوٹ بہی
ایک ایک خودی کی آنکھ کھلی
فطرت کی صدا پھر گونج اٹھی
دنیا نے آخر آقا کو پہچان لیا پہچان لیا
No comments:
Post a Comment